MUIÑOS DE COIRO
Fai tempo os muíños eran parte esencial de diferentes eidos da sociedade galega, formando parte activa na faceta económica, social, simbólica e dando un sentido de interacción social entre os individuos que utiilzaban os muíños para moer os seus cereais.Hoxe estanse recuperando co fin de facer rutas de senderismo, restaurar os vellos edificios, retomar as vellas corredoiras, e intentar achegar os máis pequenos parte, agora pasiva, do que é e foi a nosa cultara, e que sen lugar a dúbidas teremos que loitar por que sega sendo parte do noso futuro.
A ruta que vos amoso nas imáxenes esá en Coiro-Cangas, e a ruta empeza xunta o Pazo e remata no Fausto, este foi o primeiro muíño que se reconstruiu, e o primeiro fin de semana de maio celébrase unha festa popular nos aledaños do muíño, non falta empanada de millo, viños e mexilóns, todo amenizado cas gaitas de bandas que veñen a darlle un toque festivo e musical a que hoxe é a festa máis importante da parroquía, xa que as festas patronais xa foron desvancadas fai anos pola “Festa do Muíño”
Cada un dos muíños que nos encontramos polo sendeiro pertence a varias familias, e raro o caso de que un muíño quedase en mans dunha soa persona, sendo inda ocasional tamén o muíño que pertence tan so a unha familia. Esto é un contratempo para a recuperacións e restauración dos edificios, xa que por dacordo a diferentes persoas non sempre é doado. De tódolos xeitos o estado de conservación da maioría dos muíños é moi boa, sendo un orgullo poder dar unha volta e contemplalos practicamente inalterados dende fai anos. O río e a zona recuperou unha certa vida que se fora perdendo ca desruralización que sufriu a zona, pero agora case é un luxo vivir a 5 minutos de Cangas pero no rural, sen os agobios e ruídos da cidade pero con tódalas comodidas e oferta cultural que che pode ofrecer esta.
